નિરોધ
અવની અને મૌલિક એક જ કોલેજ માં, પ્રથમ વર્ષમાં સાથે ભણતા હતા,એક બીજાને ખૂબ પ્રેમ કરતા.યૌવનના ઉન્માદમાં એક વખત બંનેએ તમામ સરહદો પાર કરી લીધી. એક વાર ની મજા અનેક વાર ની મોજ બની ગઈ. અવની ઘણી વાર મૌલિક ને કહેતી, મને આ નિરોધ વગરનું નથી ગમતું, મને બીક લાગે છે. મૌલિક હમેશ ની જેમ કહેતો, મને આ નિરોધ-અવરોધ સાથે નથી ગમતું, પછી લાડ લડાવતા બોલતો, જાનેમન, રોમાન્સ સમયે મને કોઈ જ અવરોધ ન ગમે. થોડા સમય પછી એક દિવસ સવારે અવની ને ઉલ્ટી થવા લાગી, અવનીને પેટમાં દુખાવો થવો લાગ્યો, તેના પીરિયડ્સ મિસ થઈ ગયા, આખરે યૌવન ની મજા એ અસર દેખાડી!! અવની એ ગભરાતા મૌલિક ને કહ્યું, મૌલિકે નફ્ફટ જવાબ આપ્યો, "એ વાત ની શુ ખાતરી કે આ બાળક મારુ જ છે? તું મારી સાથે આવતી એમ બીજા ની સાથે પણ મોજ માણતી હોઈશ!!!"
અવની પર આભ તૂટી પડ્યું. દિલ તૂટે છે ત્યારે કોઈ અવાજ નથી થતો. બસ આંખ માં આંસુ બની ને વહી જાય છે. મૌલિકે ઓછું હોય તેમ સંભળાવ્યું, આ લે, રૂપિયા, નિકાલ કરવી આવજે. એક છોકરી જ્યારે કોઈ છોકરાને પ્રેમ કરેછે , તેના પર વિશ્વાસ રાખીને સર્વસ્વ અર્પણ કરે છે અને બદલામાં તેને અપમાન મળે છે, ત્યારે કદાચ સમય જ એ અપમાનનો બદલો એ છે અને સમય જ આ મલમ બને છે.
અવની એ 'નિકાલ 'કરાવી લીધો. ખૂબ રડ્યા પછી તેને ખુદ પર નફરત થયી. અને પોતાનું સમગ્ર ધ્યાન ભણવામાં પરોવી દીધું. જ્યારે મૌલિક માટે યુવાની એ મોજ મસ્તી માણવાની ઉમર બની રહી. કોલેજ લાઈફ માં અવની બાદ અનેક છોકરીઓ સાથે ફ્લર્ટ કરવું, મોજ મસ્તી કરવી, એ જ તેનો ઉદેશ હતો.
અનેક છોકરીઓ સાથે ફરીને, મોજ મસ્તી માણી ને યુવાની એમ જ જતી રહી. ભણવામાં ધ્યાન આપ્યું નહતું પરિણામે 40 વર્ષે પણ આછી-પાતળી નોકરી કરીને ગુજારો થતો રહેતો.40 વર્ષે પણ સિંગલ લાઈફ ખુશી થી માણતો હતો!! પરિવારમાં એક માં હતી, જે કશું જકહેતી નહતી, અને એક પિતા હતા જેનું કશું જ ચાલતું નહતું.
થોડા દિવસોથી તબિયત ખરાબ રહેવા લાગી. ડોકટરે રિપોર્ટ્સ કરાવ્યા, કંઈ ખાસ ન પકડાયું. ડોકટરે તેના મેરિટલ સ્ટેટ્સ વિશે પૂછ્યું. તેણે સિંગલ કહ્યું. ડોકટરે કહ્યું," ઓહો 40 વર્ષે પણ સિંગલ!"
ઠીક છે એક હજી ટેસ્ટ કરવી લો.
મૌલિક લેબ માં ટેસ્ટ કરાવીને ડોકટર પાસે ગયો. ડોક્ટર રિપોર્ટ જોતા જ સમજી ગયા. તેણે કહ્યું, ભાઈ તમને એઇડ્સ છે, તમે 40 વર્ષે પણ સિંગલ છો એ સાંભળતા જ સમજી ગયો. મૌલિક માથે તો આભ તૂટી પડ્યું. યુવાની ની મોજ મસ્તી હવે જિંદગીની સજા સાબિત થઈ રહી.
અવની એક દિવસ એક ચેરિટી શો માં પોતાની વ્હાલી દીકરી અને પતિ સાથે ગઈ હતી, અચાનક એક જાણીતો ચહેરો નજરે પડ્યો. એઇડ્સ ના દર્દીઓ માટે આ ચેરિટી શો યોજાયો હતો.પોતાની દીકરી સાથે તે દૂરથી જ તે જાણીતા ચહેરાને જોઈ રહી, તેણે ડોકટર ને પૂછ્યું, ડોકટરે કહ્યું કે અહીં બધા એઇડ્સ ના દર્દીઓ છે. મોત તેમનાથી થોડું જ દૂર છે. અવની મૌલિકની પાસે ગઈ અને કઈ જ બોલ્યા વગર ચૂપચાપ જોઈ રહી. મૌલિક ફિકુ હસ્યો. કાશ , એ દિવસે તને અપનાવી લીધી હોત તો આપણી પણ આવી જ વહાલી દીકરી કે દીકરો હોત, સુખી કુટુંબ હોત, મારો પરિવાર હોત, મારો પ્રેમ હોત!!!
"બધા સાથે નિરોધ વગર મજા માણી હવે એ જ 'નિરોધ' વગર મારો 'નિકાલ' થઈ જશે!!"
Comments
Post a Comment