હમણાં એક છોકરો જોવા ગઈ હતી. છોકરા ને આમ બધું ઓકે લાગ્યું. પરંતુ બસ જરા હું પાતળી લાગી. What rubbish!!!
નાનપણ થી જ હું પાતળી છું. પાતળી એટલે કૃતિ સેનોન, આલિયા ભટ્ટ, શ્રદ્ધા કપૂર જેવી કેટેગરી વાળી. અરે લોકો તું કેટલી પાતળી છો, કેટલી પાતળી છો, કહીને મને એટલું ઇરિટેટ ફીલ કરાવે કે ખરેખર આ શબ્દ જ સાંભળવો ના ગમે!!
આજકાલ લોકો ખાસ કરીને બોયઝ ને જાડી છોકરીઓ ગમતી હોય છે. બોયઝ કદાચ લગ્ન બાબતે સ્વભાવ કે વફાદારી ચેક નથી કરતા પરંતુ ફેસ, લુક, ફિગર ચેક કરે છે. શું આ જ રીતે છોકરી પસંદ કરતા હોય છે? તો એવા બોયઝ ને કહેવાનું મન થાય કે ભાઈ, તું જેવી ગોતે છે ને તેવી છોકરી તો કેટલાય ની સાથે ફરી ને આવી હશે!! હા, આજકાલ લોકોને પોતાના રૂપ નું અને દેખાવ નું બહુ ઘમંડ હોય છે!! અને એ જ રીતે છોકરાઓ છોકરીઓને અને છોકરીઓ છોકરાઓ ને પટાવતી હોય છે. સારી છોકરી કે છોકરો બિચારા ચૂપચાપ બેસી રહે એટલે લોકો તેને તારા માં તો કંઈ છે જ નહિ એવું સમજી બેસે છે!! અને પાછા લોકો તેને અપમાન કરીને પૂછે, તારા માં છે શું? પછી ખબર પડે કે એ જે માનતા હતા કે કઈ નથી એ જ છોકરી કે છોકરો જિંદગીભર એક જ વ્યક્તિ સાથે , દુઃખ સુખ માં સાથ આપવાની હિંમત ધરાવતા હોય છે, નહિ કે પેલી સુંદર ફિગર વાળી વ્યક્તિ ની જેમ કે જરા રૂપિયા ની જરૂર પડી કે ના, ના, મારે કામ છે કહીને છટકી જાય છે!!
કોઈ પણ વ્યક્તિ ની અસલિયત જાણવાની એક જ ચાવી છે એને કહેવાનું કે આટલા રૂપિયા જોઈએ છે, અથવા મારે હમણાં ખેંચ ચાલે છે, તને રૂપિયા નહિ આપી શકું, તો ચાલુ છોકરી ખસી જ જશે!! બોયઝ માં કેમ ખબર પડે એ તો હજી હું પણ ગોતું છું😜😜
ભાઈ , દુનિયાની બધી છોકરીઓ અને છોકરાઓ ઈચ્છે તો 4 કે 5 બોય ફ્રેન્ડ કે ગર્લ ફ્રેન્ડ આસાનીથી રાખી શકે છે, પરંતુ તેના સંસ્કાર તેને એમ કરતાં રોકતા હોય છે. ઘણી સ્વરૂપવાન છોકરીઓ કેટલાય છોકરાઓ સાથે ચાલુ હોય છે આ વાત મે ખુદ મારી નજરે જોઈ છે, અને ઘણા હેન્ડસમ અને અમીર બાપ ના નબીરા કપડાં ની જેમ છોકરીઓ બદલતા હોય છે!
શું ખાલી શરીર પરથી જ કોઈને જજ કરવું એ યોગ્ય છે??છોકરાઓ એ જ જાડી છોકરી લગ્ન પછી ઔર જાડી થઈ જાય પછી તેને ટોન મારતા હોય છે કે તું જાડી થઈ ગઈ છે. જો છોકરી પાતળી હોય તો લગ્ન પછી લગભગ 90% લોકો જાડા થઈ જ જાય છે, તો શું આ પાતળી છોકરી જાડી નહિ જ થાય એવી કોઈ એ ગેરંટી આપી છે??!!
આલિયા ભટ્ટ અને કૃતિ સેનન પણ પાતળી જ છે, તો પણ ઘણા યંગસ્ટરસ્ ની એ પહેલી પસંદ છે. ઘણી પાતળી છોકરીઓ સુંદર ફેશનેબલ કપડાં પહેરીને અત્યંત સુંદર છોકરાઓ ની ભાષા માં #હોટ લાગી શકે છે. શું જાડી છોકરી જીન્સ માં સુંદર લાગી શકે છે? ના , જ્યારે પાતળી છોકરીઓ તો જીન્સ, શોર્ટ્સ, કેપ્રી, સાડી, ડ્રેસ, કોઈ પણ કપડામાં સુંદર લાગતી જ હોય છે!! જાડી છોકરીઓ થોડું કામ કરતા જ થાકી જાય છે, ક્યારેક તે આળસુ પણ હોય છે. ચરબી ના થર ને લીધે તે ચપળ નથી હોતી, જ્યારે પાતળી છોકરીઓ કોઈ પણ કામ જલદી થી કરી શકે છે અને ચપળ, મહેનતુ હોય છે.
કોઈને જજ કરતા પહેલા તમે ખુદ તમારામાં પણ ઝાંખી જુઓ. દુનિયા માં કોઈ પણ વ્યક્તિ સંપૂર્ણપણે પરફેક્ટ હોતી નથી. તમે પણ નહિ.. તો શા માટે તમે બીજા ને જજ કરો છો? આવો. બીજાની ખામી ને ઇગ્નોર કરી ને તેમની ખૂબી ને શોધો.
ફિગર ગમે ત્યારે બનાવી શકાય છે, જિમ કે યોગા દ્વારા સુંદર શરીર બનાવી શકાય છે. પરંતુ શું કેરેક્ટરલેસ વ્યક્તિ કોઈ પણ ઉપાય કરીને વફાદાર બની શકે છે?? ઘમંડી વ્યક્તિ નો સ્વભાવ બદલી શકાય છે?? ઘમંડી લોકો કાયમ તેને પોતાના પગ ની નીચે જ રાખે છે!! લોકો જે તે વ્યક્તિ ના શરીર પર ખરાબ કૉમેન્ટ કરીને ખબર નહિ ક્યો આહ્લાદક આનંદ મેળવતા હોય છે!!!!
(ઉપરોક્ત મંતવ્ય મારા વિચારો છે, જે મે જોયું જાણ્યું અનુભવ્યું છે, તમારી આસપાસ આનાથી અલગ પણ હોય શકે છે,કોઈ છોકરા કે છોકરી પ્રત્યે મને કોઈ વ્યક્તિગત વાંધો નથી, બસ લોકો ની વિચારસરણી નિમ્ન સ્તર ની છે.)
Sachi vat che, mari sathe b evu j thay chhe,
ReplyDeletebadha ne badhu perfect jove che aaj kal.
Evu nathi manta k lagan pachhi vajan vadhu thashe ane na vadhe to shu problem che, dubala loko ni health kai excercise karya vagar pan sari re j che.
Lagan pela badha height, body, ghar, paisa, dekhav etc etc. Ne jovu jode ema koi doubt nathi pan Jo badhu Ok hoy ne dekhav thik thak hoy to kundali match
nathi thati ka age difference nu karan api de.
Amuo ne to javab apvama ras nathi hoto, atleast phone to karvi jove hu evu manu chhu.
Ne je loko kundali na karan ape chhe, pan maru manvu evu chhe k kundali melavi ne b ekbija ne banatu nathi aaj kal ramat ni jem chhutta padi jay chhe, atleast same vala ne jotu chhe k nay te pan nathi puchhta.