જૂન નો પહેલો દિવસ છે. મારો બર્થડે નો મહિનો છે. 21મી જૂને મારો બર્થડે છે. ખૂબ એકસાઇટેડ પણ છું. પણ એક મન માં ડર પણ છે. જ્યારે હું બહું ખુશ હોવ ત્યારે જ નજર લાગતી હોય!! કરંટ સીનારિયો ખુશ પણ નથી દુઃખી પણ નથી.. પણ લાઇફે મારી પાસેથી ખૂબ બધું છીનવી લીધું છે. કદાચ હવે એ સમય આવવાનો છે કે લાઈફ મને ઘણું બધું આપે!! સુખી ભવિષ્ય માટે ખૂબ આતુર છું, પણ મન માં એક ડર પણ છે કે લાઇફ કોઈ રમત તો નહિ રમે ને!! 2024 નું વર્ષ ખૂબ હટકે સાબિત થવાનું છે. ખુદ ને ચેલેન્જ આપી છે કે આ વર્ષ માં તો પરણી જવું છે સારી વ્યક્તિ સાથે ,કદાચ દિવાળી પહેલા જ!! ફિંગર્સ ક્રોસ 🤞..
છેલ્લે સારી વ્યક્તિ નહિ મળે તો વ્યક્તિ ને સારી બનાવવી પડશે! ના, હું કોઈ જ્યોતિષ નથી, બસ લોજિક લગાડી ને વિચારું છું. જે મારી સાથે મારા પોતાના છે એ રિલેશન સાથે રહેશે બાકી જે નથી એ છોડી ને આગળ વધવાનું એ જ જિંદગી. જિંદગી ઘણી અકલ્પનીય હોય છે! આપણા વિચાર થી પરે હોય છે, આપણી કલ્પનાથી પણ પરે હોય છે.
જે ગમે એ મળતું નથી, તો જે મળે એને જ ગમાડી લેવું એ જ જિંદગી નો નિયમ છે. તો જ ખુશ રહી શકાય. ખુશી આસાનીથી નથી મળતી. ખુશી મેળવવા માટે આપણે આપણી આસપાસ દુઃખ ને પણ ખુશી માં ફેરવવું પડે!! જીવનમાં ઘણી બાંધછોડ કરવી પડતી હોય છે એનું જ નામ એટલે જિંદગી.
લાઇફ માં મને જે હોય એ જ રહેવું ગમે છે. પણ એક વાત એ પણ છે કે આજકાલ બટરિંગ મતલબ હા જી હા, ખુશામત કરવાનો જમાનો છે. તમારી જીભ પર સુગર હશે, મધ મીઠી હશે તો જિંદગી માં તમે આસાનીથી લોકો ના દિલ જીતી શકશો, ઘણું પામી શકશો. કદાચ આ થિયરી હવે મારે પણ અપનાવવી જોઈએ!! ગુમાવવાનો સમય ગયો, મેળવવાનો સમય આવ્યો.
લાઇફમાં હંમેશા ઘણા ચાન્સ આપે છે તો એ તક ઝડપી લો. નસીબ અને સમય સાથે હશે તો આ ચાન્સ જિંદગી બની જશે, અને નહિ તો એક અનુભવ સમજીને આગળ વધી જવાનું. લાઇફમાં એક પણ જાત નો અફસોસ ન રહેવો જોઈએ. સમય હતો, તક હતી તો પણ મે એક કદમ આગળ ન વધી, એવું તો બિલકુલ ન થવું જોઈએ. હકીકત માં લોકો ને પસ્તાવો થવો જોઈએ કે ઓહ, સમય હતો, તક હતી પણ મેં તક ગુમાવી!! "કાશ ,આજે આ સાથે હોત તો જિંદગી બહુ સારી હોત!" આ અફસોસ થવો જોઈએ બસ, તો ઉપરથી નીચે આવવાનો આપણો ફેરો સફળ!!
" જીવનમાં એક હદ સુધી જતું કરો ,પણ સાવ એટલું જતું પણ ના કરવું જોઈએ કે બસ બધું જતું જ કરવું પડે!! " કોઈ સમજદાર વ્યક્તિ એ આ શબ્દો મને કહ્યા હતા.
લાઇફ માં એક વ્યક્તિ એ મને કહ્યું હતું કે હું બહુ ઓછી નીંદર કરું છું, કારણ કે લાઇફ માં ઘણું મેળવવું છે તો અમુક વસ્તુ ને ગુમાવવી પણ પડે. આજથી મે પણ મારી લાઇફ માં એક એક સેકન્ડ નો ઉપયોગ કરવાની પ્રતિજ્ઞા લીધી છે. સમય બહુ જ જલદી સરકી રહ્યો છે, જે આજે છે તે કાલે ના પણ હોય!! તો એ પહેલાં હું સમય નો ખુબ ઉપયોગ કરી લેવા ઈચ્છું છું. રાતે એક શાંતિ ની નીંદર માણવા ઈચ્છું કે દિવસભર ના વિચારેલા કે તમામ કામ થઈ ગયા. બસ ત્યાર બાદ 5 કલાક ની ઊંઘ પણ ઘણી શાંતિ આપે!!
Comments
Post a Comment