હું ભરી આવું રંગની મુઠ્ઠી, તું લઈ આવજે કોરુ મન,
કેસુડાના ફુલહું ભરી આવું રંગની મુઠ્ઠી, તું લઈ આવજે કોરુ મન, કેસુડાના ફુલની સાખે,વગડો બનશે વૃંદાવન...!!!
Wish u all readers a very Happy Holi😊
હોળી એટલે રંગોનો તહેવાર..દરેક રંગ નું આપના જીવનમાં અનેરું મહત્વ છે. સફેદ રંગ માં બધા રંગો સમાયેલા છે. અને બ્લેક કલર ડીપ કલર છે. એટલે જ મને બ્લેક અને વ્હાઇટ કલર ખૂબ જ ગમે કારણકે આ બંને કલરમાં બધા રંગો સમાયેલા છે.
હોળી નું અનેરું જ મહત્વ છે. એમ કહેવાય છે કે હોળી તપીને શિયાળો જાય,મતલબ કે હોળી પછી શિયાળો માનપૂર્વક વિદાય લે છે અને ઉનાળા ની શરૂઆત થાય છે. વેલ મને એવું લાગે છે કે કોઈ પ્રત્યે છૂપો ગુસ્સો હોય,ખીજ હોય,ચીડ હોય તો આ દિવસ પરફેક્ટ ડે છે એ ગુસ્સાના ઉભરાને બહાર કાઢવાનો!!!! હા, મોટાભાગના લોકો 12 વાગ્યા ની આસપાસ એકબીજા ને રંગો થઈ ભરવા નીકળી પડે છે. બાળકો તો નિર્દોષ રીતે પિચકારી અને કલર થઈ રમે છે, પરંતુ કપલ્સ ને કૉલેજીયન્સ પોતાના મિત્રો,રિલેટિવસ ની હોળી તો અલગ જ!! 12 વાગ્યા ની આસપાસ ફૂલ તૈયારી સાથે કલર,શાહી,પાકા કલર,તથા બીજા પણ અન્ય સામગ્રી લઈને નીકળી પડે છે અને બીજા ફ્રેન્ડ કે રિલેટિવને ત્યાં હલ્લો બોલાવે છે. ઘણી વખત પાણીનો મારો પણ ચલાવાય છે!!!હળવો ગુસ્સો હોય તો ખૂબ કલર અને ખૂબ પાણીથી એ ગુસ્સો ઉતરે છે!!😊
રંગબેરંગી ચહેરા ખરેખર બહુ જ ફની લાગે છે. અને પછી સેલ્ફી ટાઈમ!! બસ પછી સોશ્યિલ મીડિયા માં અપલોડ!!આ બધું હવે એકનું એક લાગે…..જિંદગીમાં બધું માણી લેવું જોઈએ જેથી કોઈ અફસોસ ના રહે! મેં પણ આ બોરિંગ ઘરેડ ટાઇપની ધુળેટી માણી છે એક વાર ગમે બસ…હું એવું માનુ છું કે જો રંગોમાં રંગવું અને રંગાવું ગમતું હોય તો હોળી માણી લેવી જોઈએ.આફ્ટર ઓલ વર્ષ માં એક જ વાર આવે છે ને!!!
હોળી રંગો નો તહેવાર છે અને પ્રેમ ની અભિવ્યક્તિ નો પણ દિવસ છે. ગમતી વ્યક્તિ દ્વારા રંગાઈ જવાની મજા જ અલગ હોય છે!! એક સ્ત્રીને જયારે પોતાનો પ્રિયતમ રંગ લગાવે ત્યારે રંગ વગર પણ શરમ રૂપી ગુલાબી રંગ વડે રંગાઈ જાય છે!!વ્હાલ,પ્રેમ,લાગણીના રંગો અતિસુંદર હોય છે.હું લાઈફમાં થોડી સ્વાર્થી છું. મને કોઈપણ રિલેશન હમેશા,લાઇફ લોન્ગ જોઈતો હોય છે.પછી એ મારી ફ્રેન્ડ હોય કે રિલેટિવસ. લાગણીનો સંબંધ કાયમી હોવો જોઈએ. સેન્સેક્સ ના ગ્રાફ ની જેમ ફલકચૂએસન ચાલે પણ ફોરએવર..લાગણીના રંગો ક્યારેય ઝાંખા ના પડવા જોઈએ. હોળી નો તહેવાર વૃંદાવન માં ધામધૂમપૂર્વક ઉજવાય છે,ત્યાં હોળી ના 8 દિવસ પહેલા થઈ જ આ મહોસ્તવની તૈયારી થવા લાગે છે.રાધાકૃષ્ણ ની યાદ માં આ મહોત્સવ લોકો અનેરા ઉત્સાહથી ઉજવે છે.મેં ક્યાંક વાંચ્યું હતું કે કોઈને રંગવા હોય તો મન ના સારા વિચારોથી રંગી દો, અને તેના વિચારો થી સ્વયં ને રંગી લો,કેમકે કૃત્રિમ હોળી તમારૂ રૂપ બદલી શકે છે,મન નહિ!! રંગો ના આ તહેવાર પર જે સંબંધો વણસી ગયા હોય તેનેપાન સુધારી શકાય! હમણા વ્હોટ્સએપ પર પેલા બાળક નો વીડિયો હતો કે એક બાળક ને લીધે વણસેલા સંબંધો ફરી તરોતાજા બની રહે છે.!!
So enjoy Holi, બુરા મત માનો હોલી હૈ!!!😊
Comments
Post a Comment